អន្តរជាតិ៖ ស្នាក់ការកណ្តាលក្រុមហ៊ុន Burger King បាននិយាយកាលពីថ្ងៃព្រហស្បតិ៍ថា ខ្លួនមិនអាចបិទហាងចំនួន ៨០០ របស់ខ្លួននៅក្នុងប្រទេសរុស្ស៊ីបានទេដោយសារម្ចាស់ហ្វ្រែនឆាយផ្តាច់មុខនៅទីនោះ «បដិសេធ»។

ក្រុមហ៊ុនធំរបស់ Burger King បាននិយាយថា ដើម្បីអនុវត្តកិច្ចសន្យារបស់ខ្លួនជាមួយអ្នកទិញហ្វ្រែនឆាយ គឺ Alexander Kolobov មិនព្រមបិទហាង Burger King នៅប្រទេសរុស្ស៊ីបើទោះបីក្រុមហ៊ុនធំអំពាវនាវឱ្យមានការបិទក៏ដោយនោះ។

រហូតមកដល់ពេលនេះគេមិនទាន់បានការធ្វើអត្ថាធិប្បាយណាមួយពីលោក Kolobov នៅឡើយទេ។

ក្រុមហ៊ុនយីហ៊ោ Burger King បង្ហាញពីភាពស្មុគស្មាញជាច្រើនដែលហាងរបស់អាមេរិកមួយនេះត្រូវបញ្ឈប់ប្រតិបត្តិការនៅក្នុងប្រទេសរុស្ស៊ីបន្ទាប់ពីការលុកលុយរបស់ទីក្រុងម៉ូស្គូលើអ៊ុយក្រែន។

នៅថ្ងៃទី៨ ខែមីនា ក្រុមហ៊ុនStarbucks និងក្រុមហ៊ុនផ្សេងទៀតដូចជា McDonald's ក៏បាននិយាយថាពួកគេនឹងផ្អាក ឬកំណត់ប្រតិបត្តិការនៅក្នុងប្រទេសរុស្ស៊ី។

ខុសគ្នាពីក្រុមហ៊ុន Burger King ហាងកាហ្វេStarbucks ដែលមានអ្នកទិញសិទ្ធិគឺក្រុមហ៊ុន Alshaya Group ដែលមានមូលដ្ឋាននៅគុយវ៉ែត បានយល់ព្រមភ្លាមៗក្នុងការបិទទីតាំងរបស់ Starbucks របស់ខ្លួននៅក្នុងប្រទេសរុស្ស៊ី ។

តាមពិតទៅភាគស្មុគស្មាញលើប្រេន Burger King ត្រង់ថា ហាងនេះបានចូលប្រទេសរុស្ស៊ីកាលពីមួយទសវត្សរ៍មុនតាមរយៈភាពជាដៃគូបណ្តាក់ទុនរួមគ្នាជាមួយភាគីចំនួនបីគឺ លោក Kolobov ដែលគ្រប់គ្រងប្រតិបត្តិការប្រចាំថ្ងៃ ភាគហ៊ុនឯកជន និងក្រុមហ៊ុនគ្រប់គ្រងទ្រព្យសកម្ម Investment Capital Ukraine និងធនាគារ VTB ដែលជាកម្មសិទ្ធិរបស់ប្រទេសរុស្ស៊ី (VTBR.MM) ដូច្នោះហើយទើបមានការលំបាកក្នុងការផ្អាកប្រតិបត្តិការណ៍នោះ៕